728x90 AdSpace

  • ताजा ताजा

    नेतामात्र होइन, जनता पनि विशिष्ट हुन्ः गगन थापा

    काठमाडौं, २५ भदौ, स्वास्थ्यमन्त्री गगनकुमार थापाले मन्त्रिपरिषद् बैठकबाट बिहीबार पूर्वउपप्रधानमन्त्री डा। तुलसी गिरीको उपचार खर्च प्रस्ताव रोकेका छन् ।

    भारतको बैंग्लोरमा उपचार गराएका पूर्वप्रधानमन्त्री डा. गिरीको उपचार खर्च बेहोर्नेसम्बन्धी प्रस्ताव मन्त्रिपरिषद् बैठकमा आउनासाथ स्वास्थ्यमन्त्री थापाले कडा रूपमा विरोध गरेका थिए । प्रधानमन्त्री पुष्पकमल दाहालले डा। गिरी विशिष्ट व्यक्ति हो भन्दै उनको मागअनुसारको खर्च रकम स्वीकृत गर्न आग्रह गर्दा स्वास्थ्यमन्त्रीले अस्वीकार गरेका थिए । मन्त्री थापाले प्रश्न गरेका थिए, यो मुलुकमा को विशिष्ट होरहोइन, चिन्ने कसरी रु यो देशको नेतृत्वले आमनेपालीलाई नै किन विशिष्टको दर्जा दिन सक्दैन रु डा। गिरी विशिष्ट हो, होइन थाहा पाउने कसरी ?

    मन्त्रिपरिषद् बैठकमा थापाको भनाइ उद्धृत गर्दै एक मन्त्रीले भने, प्रधानमन्त्रीजी, तपाईं पुष्पकमल दाहाल, कांग्रेस सभापति शेरबहादुर देउवा, एमालेका अध्यक्ष केपी शर्मा ओलीलगायतका प्रमुख नेताहरूको स्वास्थ्य उपचार आगामी दिनमा स्वदेशमै हुनुपर्छ । तपाईंहरू आफ्नो उपचार विदेशमा गराउनुहुन्छ भने जुन देशमा गराउने हो, सोही देशले खर्च बेहोर्ने गरी हुनु पर्‌यो ।

    वर्तमान सरकार सत्तामा आएपछि पूर्वराष्ट्रपति डा. रामवरण यादवलाई विशिष्ट नागरिक भन्दै स्वास्थ्य उपचार, घरभाडा लगायतबापत करोडौं रुपैयाँ दिने निर्णय मन्त्रिपरिषद्ले गरिसकेको छ । प्रारम्भिक चरणको प्रोस्टेट क्यान्सरको उपचार अमेरिकामा गराउन सरकारले डा। यादवका लागि करोडभन्दा बढी बेहोर्ने निर्णय गरिसकेको छ ।

    बैठकमा प्रधानमन्त्री दाहालले डा। गिरीको स्वास्थ्य उपचारका लागि आर्थिक सहायतासम्बन्धी प्रस्ताव पारित गराउन निकै कसरत गरे पनि अन्ततः उक्त प्रस्ताव स्वीकृत हुन सकेन ।

    स्वास्थ्यमन्त्री थापाले जसले पहुँच देखाउँदै स्वास्थ्यलगायतका आर्थिक सहायता माग्यो, उसैलाई दिने नीति सच्याउँदै छिट्टै विशेष कार्यविधि निर्माण गरी सोही आधारमा प्रक्रिया अगाडि बढाइने धारणा राखे । डा। गिरीको उपचारखर्च रोकेकोबारे स्वास्थ्यमन्त्री थापाले अन्नपूर्णसँग भने, जसले पत्र पठायो, स्वतः स्वीकृत गर्दै रकम दिने कार्य कसैका लागि स्वीकार्य हुन सक्दैन र हुन पनि हुँदैन ।

    उनले प्रमुख दलका शीर्ष नेताहरूले विदेशमा गर्ने उपचारबापत लाग्ने खर्चले वीर अस्पताल, शिक्षण अस्पताललगायतका सरकारी अस्पतालको भौतिक, प्राविधिकलगायतका सेवा अत्याधुनिक गर्दै आमनेपालीकै सर्वसुलुभ उपचार हुनसक्ने बताए । त्यही भएर प्रमुख दलका सबै प्रमुखको उपचार नेपालकै अस्पतालमा गराउनुपर्छु, उनले भने । अन्नपुर्ण पोस्टबाट साभार गरिएको
    • तपाईको प्रतिक्रिया

    0 comments:

    Post a Comment

    Item Reviewed: नेतामात्र होइन, जनता पनि विशिष्ट हुन्ः गगन थापा Rating: 5 Reviewed By: Shesh Narayan Jha
    Scroll to Top